Apple users at risk: ઇન્ડિયન કમ્પ્યુટર ઇમરજન્સી રિસ્પોન્સ ટીમ એટલે કે CERT-IN એ iPhone યુઝર્સ માટે હાઇ રિસ્ક વોર્નિંગ જાહેર કરી છે. એટલે કે કોઇ પણ સંજોગોમાં આઇફોન યુઝર્સે આ ચેતવણી પર કાર્યવાહી કરવી જોઇએ. જો તમે તેને અવગણો છો, તો હેકર્સ તમારા ફોનની સુરક્ષાને બાયપાસ કરી શકે છે અને તમારા ડેટાને એક્સેસ કરી શકે છે. વાસ્તવમાં CERT એ Appleના iOS, Apple Watch OS, iPad OS અને Apple Safari સહિત આવા તમામ ડિવાઇસ માટે ચેતવણી જાહેર કરી છે જે 17.2 કરતા પહેલાના વર્ઝન પર ચાલી રહ્યા છે. તમામ જૂના વર્ઝનમાં એક નબળાઈ જોવા મળી છે, જેનો લાભ લઈને હેકર્સ તમારી સિસ્ટમ સુધી એક્સેસ કરી શકે છે.
સરકારે સેમસંગ યુઝર્સને પણ ચેતવણી આપી છે
અગાઉ, CERT IN એ સેમસંગ યુઝર્સ માટે હાઇ રિસ્ક વોર્નિંગ જાહેર કરી હતી. આ ચેતવણી સેમસંગ સ્માર્ટફોનના તે યુઝર્સ માટે છે જેમના ફોન એન્ડ્રોઇડ 11, 12, 13 અથવા 14 વર્ઝન પર ચાલે છે. એજન્સીનું કહેવું છે કે એન્ડ્રોઇડ 11, 12, 13, 14 પર ચાલતા સેમસંગ ફોનમાં કેટલીક સમસ્યાઓ છે જેના કારણે હેકર્સ તમારા ફોનમાં ઘૂસી શકે છે. હુમલાથી બચવા માટે દરેકને તેમના મોબાઈલ અપડેટ કરવાની સલાહ આપવામાં આવી હતી.
સરકારે આ 2 બ્રાઉઝર માટે એલર્ટ પણ જાહેર કર્યું છે
ERT-In ને Google Chrome અને Microsoft Edge બ્રાઉઝર્સમાં એક બગ મળ્યો છે જે હેકર્સને તમારા કમ્પ્યુટરની સરળતાથી ઍક્સેસ આપી શકે છે. આ બગની નબળાઈને ઠીક કરવા માટે સિસ્ટમને અપડેટ કરવાની સલાહ આપવામાં આવે છે. ચેતવણી ડેસ્કટોપ પર મલ્બરેબિલિટી નોટ CIVN-2023-0361 અને Microsoft Edge બ્રાઉઝર માટે વલ્નરેબિલિટી નોટ CIVN-2023-0362માં ચેતવણીની વિગતો આપવામાં આવી છે.
બગનું કારણ શું છે?
CERT-In વેબસાઈટ પરની નોટ્સમાં લખ્યું હતું કે આ નબળાઈઓ વેબ બ્રાઉઝર ઓટોફિલ અને વેબ બ્રાઉઝર યુઆઇમાં ફ્રી મીડિયા સ્ટ્રીમ્સ, સાઇડ પેનલ સર્ચ અને મીડિયા કેપ્ચરના અયોગ્ય અમલીકરણને કારણે થાય છે.
